ܩܲܙܝܼܪܵܐ ܕܚܘܼܠܡܵܢܵܐ ܬܘܼܚܸܡܠܹܗ ܠܦܪܵܩܬܵܐ ܕܡܸܬܚܵܐ ܕܥܸܕܵܢܵܐ ܕܒܘܼܝܵܢܹ̈ܐ ܕ COVIDSafe. ܬܘܼܠܚܵܡܵܐ ܕ COVIDSafe app ܐ݉ܚܹܪ݉ܢܵܐ ܠܹܐ ܦܵܐܹܫ ܡܘܼܦܠܸܚܵܐ ܩܵܐ ܥܲܩܲܒܼܬܵܐ ܕܕܩܵܪܬܵܐ. ܐܸܢ ܒܵܣܡܵܐ ܠܵܘܟܼܘܿܢ ܕܘܼܫܘܼܢ ܥܲܠ 'uninstall' ܩܵܐ ܕܡܲܟܠܹܝܬܘܿܢ ܠܹܗ COVIDSafe app ܡܼܢ ܦܠܵܚܬܵܐ ܥܲܠ ܬܘܼܩܵܢܵܘܟܼܘܿܢ.

ܫܘܼܝܵܫܵܐ ܕܕܝܼܠܵܢܵܝܘܼܬܵܐ ܩܵܐ ܬܘܼܠܚܵܡܵܐ ܕ COVIDSafe


ܩܪܹܝܡܘܼܢ ܠܫܘܼܝܵܫܵܐ ܕܕܝܼܠܵܢܵܝܘܼܬܵܐ ܒܠܸܫܵܢܹ̈ܐ ܐ݉ܚܹܪ݉ܢܹ̈ܐ ܦܪܝܼܫܹ̈ܐ ܡܼܢ ܠܸܫܵܢܵܐ ܐܸܢܓܠܸܣܢܵܝܵܐ .
ܩܪܹܝܡܘܼܢ ܠܫܘܼܝܵܫܵܐ ܥܒܼܝܼܪܵܐ ܕܕܝܼܠܵܢܵܝܘܼܬܵܐ

ܡܘܿܕܝܼ ܝܠܹܗ ܡܲܥܢܵܝ ܕܦܪܵܩܬܵܐ ܕܡܸܬܚܵܐ ܕܥܸܕܵܢܵܐ ܕܒܘܼܝܵܢܹ̈ܐ ܕ COVIDSafe؟

ܘܲܙܝܼܪܵܐ ܕܚܘܼܠܡܵܢܵܐ ܬܘܼܚܸܡܠܹܗ ܦܪܵܩܬܵܐ ܕܡܸܬܚܵܐ ܕܥܸܕܵܢܵܐ ܕܒܘܼܝܵܢܹ̈ܐ ܕ COVIDSafe ܟܲܕ ܬܘܼܠܚܵܡܵܐ ܕ COVIDSafe app ܐ݉ܚܹܪ݉ܢܵܐ ܠܲܝܬ ܣܢܝܼܩܘܼܬܵܐ ܠܡܲܦܠܲܚܬܹܗ ܩܵܐ ܕܚܵܣܹܟܼ ܝܲܢ ܙܲܒܛܸܢ ܠܦܪܵܣܬܵܐ ܕ COVID-19. ܡܲܥܢܵܝ ܕܐܵܗܵܐ ܝܼܠܹܗ، Department of Health and Aged Care (ܡܦܲܪܢܣܵܢܘܼܬܵܐ)، ܐܲܝܟܼ ܡܕܲܒܪܵܢܬܵܐ ܕܚܲܡܲܝܬܵܐ ܕܒܘܼܝܵܢܹ̈ܐ، ܓܵܪܼܓ ܠܵܐ ܓ̰ܲܡܥܵܐ ܐ݉ܚܹܪ݉ܢܵܐ ܒܘܼܝܵܢܹ̈ܐ ܙܵܘܕܵܐ ܒܐܘܼܪܚܵܐ ܕ COVIDSafe app ܝܲܢ ܥܵܒܼܕܵܐ ܠܹܗ ܬܘܼܠܚܵܡܵܐ ܕ COVIDSafe app ܡܸܬܩܲܢܝܵܢܵܐ ܩܵܐ ܡܲܨܠܵܝܬܵܐ. ܡܕܲܒܪܵܢܵܐ ܕܚܲܡܲܝܬܵܐ ܕܒܘܼܝܵܢܹ̈ܐ ܓܵܪܹܓ ܠܵܐ ܝܵܗܹܒܼ ܦܣܵܣܵܐ ܩܵܐ ܟܠܚܲܕ ܡܵܘܕܥܵܢܘܼܬܵܐ ܐ݉ܚܹܪ݉ܬܵܐ ܕܦܵܝܫܵܐ ܡܘܼܛܥܸܢܬܵܐ ܥܲܠ National COVIDSafe Data Store.

ܡܦܲܪܢܣܵܢܘܼܬܵܐ ܡܸܫܬܲܐܠܵܢܬܵܐ ܝܠܵܗܿ ܥܲܠ ܐܲܟܲܕܬܵܐ ܕܟܠܲܝܗܝ ܘܵܠܝܼܵܬܹ̈ܐ ܕܕܝܼܠܵܢܵܝܘܼܬܵܐ ܦܝܼܫܹ̈ܐ ܝܢܵܐ ܬܘܼܡܸܡܹܐ ܬܚܘܿܬ ܣܵܗܡܵܐ 94P ܕ ܩܵܢܘܿܢܵܐ ܕܕܝܼܠܵܢܵܝܘܼܬܵܐ 1988 (ܩܵܢܘܿܢܵܐ) (Privacy Act 1988 (the Act)).

ܡܦܲܪܢܣܵܢܘܼܬܵܐ ܗܘܹܐܠܵܗܿ ܗܵܙܹܪܵܢ ܦܠܵܚܵܐ ܩܵܐ ܕܫܵܝܦܵܐ ܠܟܠܲܝܗܝ ܒܘܼܝܵܢܹ̈ܐ ܕܬܘܼܠܚܵܡܵܐ ܕ COVIDSafe app ܡܼܢ National COVIDSafe Data Store. ܐܵܗܵܐ ܟܹܐ ܚܵܒܼܹܫ ܟܠܲܝܗܝ ܡܵܘܕܥܵܢܘܵܬܹ̈ܐ ܕܡܣܲܓܼܲܠܬܵܐ، ܗܝܵܝܘܼܝܵܬܹ̈ܐ ܓܢܝܼܙܹ̈ܐ ܕܡܲܦܠܸܚܵܢܵܐ، ܡܵܘܕܥܵܢܘܼܬܵܐ ܫܪܝܼܬܵܐ ܕܬܘܼܩܵܢܵܐ ܘܒܘܼܝܵܢܹ̈ܐ ܕܡܲܚܒܲܪܬܵܐ ܛܘܼܫܝܹܐ ܓܵܘ National COVIDSafe Data Store. ܗܸܟ̰ ܒܘܼܝܵܢܹ̈ܐ ܕܬܘܼܠܚܵܡܵܐ ܕ COVIDSafe app ܠܹܐ ܦܵܝܫܝܼ ܚܘܼܡܝܹ̈ܐ.

COVIDSafe app ܐ݉ܚܹܪ݉ܢܵܐ ܠܹܐ ܝܠܹܗ ܡܸܬܩܲܢܝܵܢܵܐ ܩܵܐ ܡܲܨܠܵܝܬܵܐ ܘܐܲܚܬܘܿܢ ܓܵܪܹܓ ܡܵܫܝܼܬܘܿܢ ܠܹܗ ܬܘܼܠܚܵܡܵܐ ܕCOVIDSafe app ܡܼܢ ܬܘܼܩܵܢܵܘܟܼܘܿܢ . ܐܵܗܵܐ ܒܸܕ ܡܵܫܹܐ ܠܟܠ ܡܵܘܕܥܵܢܘܼܬܵܐ ܕܬܘܼܠܚܵܡܵܐ ܕ COVIDSafe app ܡܼܢ ܬܘܼܩܵܢܵܘܟܼܘܿܢ.

ܐܸܢ ܣܵܢܩܝܼܬܘܿܢ ܠܟܠܚܲܕ ܣܢܵܕܬܵܐ ܝܲܢ ܡܗܲܕܝܵܢܘܼܬܵܐ ܒܘܼܕ ܡܫܵܝܬܵܐ ܕܬܘܼܠܚܵܡܵܐ ܕ COVIDSafe app، ܗܲܡܙܸܡܘܼܢ ܥܲܡ support@covidsafe.gov.au .

ܬܚܘܿܬ ܩܵܢܘܿܢܵܐ (the Act)، ܒܸܕ ܦܵܝܫܵܐ ܒܘܼܛܸܠܬܵܐ ܡܲܬܲܒܼܬܵܐ ܕܩܵܢܘܿܢܹ̈ܐ ܣܵܢܕܵܢܹ̈ܐ ܩܵܐ COVIDSafe ܒܵܬ݉ܪ 90 ܝܵܘܡܵܢܹ̈ܐ ܡܼܢ ܗܲܡܙܲܡܬܵܐ ܕܩܲܙܝܼܪܵܐ ܕܚܘܼܠܡܵܢܵܐ، ܒܐܘܼܪܚܵܐ ܕܬܘܼܩܵܢܵܐ ܡܲܕܸܥܵܢܵܐ، ܒܘܼܕ ܦܪܵܩܬܵܐ ܕܡܸܬܚܵܐ ܕܥܸܕܵܢܵܐ ܕ COVIDSafe. ܫܵܘܦܵܐ ܕ COVIDSafe.gov.au ܒܸܕ ܦܵܐܹܫ ܡܘܼܟܠܸܝܵܐ ܥܲܡ ܡܸܢܕܝܼ ܕܓ̰ܵܘܸܓ̰ ܥܲܡ ܐܵܗܵܐ ܡܲܛܠܵܒܵܐ.

ܡܘܿܕܝܼ ܒܸܕ ܗܵܘܹܐ ܒܡܵܘܕܥܵܢܘܼܬܝܼ؟

ܡܦܲܪܢܣܵܢܘܼܬܵܐ ܗܵܕܝܼܵܐ ܗܘܹܐܠܵܗܿ ܦܠܵܚܵܐ ܩܵܐ ܕܫܵܝܦܵܐ ܠܟܠܲܝܗܝ ܒܘܼܝܵܢܹ̈ܐ ܡܼܢ National COVIDSafe Data Store ܐܲܚܬܘܿܢ ܠܹܐ ܝܬܘܿܢ ܣܢܝܼܩܹ̈ܐ ܕܛܵܠܒܝܼܬܘܿܢ ܕܒܘܼܝܵܢܵܘܟܼ̈ܘܿܢ ܦܵܝܫܝܼ ܫܝܼܦܹܐ.

ܟܲܕ ܟܠܲܝܗܝ ܒܘܼܝܵܢܹ̈ܐ ܕܬܘܼܠܚܵܡܵܐ ܕ COVIDSafe app ܒܸܕ ܦܵܝܫܝܼ ܫܝܼܦܹܐ، ܚܲܕ ܡܲܛܠܵܒܵܐ ܦܲܪܨܘܿܦܵܝܵܐ ܩܵܐ ܫܝܵܦܬܵܐ ܕܒܘܼܝܵܢܹ̈ܐ ܐ݉ܚܹܪ݉ܢܵܐ ܠܹܐ ܦܵܐܹܫ ܥܒܼܝܼܕܵܐ ܝܲܢ ܦܠܝܼܚܵܐ ܒܝܼܹܗ. ܐܸܢ ܗܵܙܹܪܵܢ ܐܲܚܬܘܿܢ ܡܘܼܩܪܸܒܼܹܐ ܝܬܘܿܢ ܚܲܕ ܡܲܛܠܵܒܵܐ ܩܵܐ ܕܦܵܝܫܝܼ ܒܘܼܝܵܢܵܘܟܼ̈ܘܿܢ ܫܝܼܦܹܐ، ܒܸܕ ܦܵܐܹܫ ܦܠܝܼܚܵܐ ܒܝܼܹܗ ܥܲܡ ܫܝܵܦܬܵܐ ܕܟܠܲܝܗܝ ܒܘܼܝܵܢܹ̈ܐ ܕܬܘܼܠܚܵܡܵܐ ܕ COVIDSafe app.

ܡܦܲܪܢܣܵܢܘܼܬܵܐ ܐܝܼܬܠܵܗܿ ܚܕܵܐ ܘܵܠܝܼܬܵܐ ܬܚܘܿܬ ܩܵܢܘܿܢܵܐ (the Act) ܕܫܵܝܦܵܐ ܠܟܠܲܝܗܝ ܒܘܼܝܵܢܹ̈ܐ ܕܬܘܼܠܚܵܡܵܐ ܕ COVIDSafe app ܡܼܢ National COVIDSafe Data Store ܐܲܝܟܼ ܟܡܵܐ ܕܗܵܘܝܵܐ ܦܪܵܩܛܝܼܩܵܝܬܵܐ ܡܼܢ ܒܵܬ݉ܪ ܦܪܵܩܬܵܐ ܕܡܸܬܚܵܐ ܕܥܸܕܵܢܵܐ ܕܒܘܼܝܵܢܹ̈ܐ ܕ COVIDSafe.

ܐܵܗܵܐ ܟܹܐ ܚܵܒܼܹܫ ܟܠܲܝܗܝ:

  • ܒܘܼܝܵܢܹ̈ܐ ܕܡܣܲܓܼܲܠܬܵܐ
  • ܡܵܘܕܥܵܢܘܼܬܵܐ ܕܫܪܵܝܬܵܐ ܕܬܘܼܩܵܢܵܐ ܟܲܕ COVIDSafe ܦܝܼܫܵܐ ܝܗܘܵܐ ܡܘܼܨܠܸܝܵܐ ܥܲܠ ܬܘܼܩܵܢܵܘܟܼܘܿܢ
  • ܡܵܘܕܥܵܢܘܼܬܵܐ ܒܘܼܕ ܡܲܦܠܸܚܵܢܵܐ ܓܢܝܼܙܵܐ ܕܗܝܵܝܘܼܬܵܘܟܼܘܿܢ ܐܝܼܡܲܢ ܕܦܝܼܫܵܐ ܝܗܘܵܐ COVIDSafe ܦܬܝܼܚܵܐ ܝܲܢ ܒܸܦܠܵܚܵܐ ܥܲܠ ܬܘܼܩܵܢܵܘܟܼܘܿܢ
  • ܕܐܲܚܬܘܿܢ ܣܘܼܙܓܸܪ ܠܵܘܟܼܘܿܢ ܕܚܲܕ ܡܸܫܬܲܐܠܵܢܵܐ ܕܚܘܼܠܡܵܢܵܐ ܫܲܕܸܪ ܠܵܘܟܼܘܿܢ ܚܕܵܐ ܐܸܓܲܪܬܵܐ ܬܹܠܹܦ̮ܘܿܢܵܝܬܵܐ ܟܪܝܼܬܵܐ (SMS) ܩܵܐ ܕܡܵܨܝܼܬܘܿܢ ܡܲܛܥܸܢܝܼܬܘܿܢ ܠܗܘܿܢ ܒܘܼܝܵܢܹ̈ܐ ܕܡܛܵܝܬܵܐ ܐܸܠܵܘܟܼܘܿܢ
  • ܒܘܼܝܵܢܹ̈ܐ ܕܡܛܵܝܬܵܐ ܐܸܠܵܘܟܼܘܿܢ ܥܲܠ ܬܘܼܩܵܢܵܘܟܼܘܿܢ
  • ܒܘܼܝܵܢܹ̈ܐ ܕܡܛܵܝܬܵܐ ܠܚܲܕ ܡܲܦܠܸܚܵܢܵܐ ܐ݉ܚܹܪ݉ܢܵܐ ܕ COVIDSafe، ܐܲܝܟܵܐ ܕܦܠܵܛܵܐ ܕܨܲܚܨܵܝܬܵܐ ܕܗܿܘ ܡܲܦܠܸܚܵܢܵܐ ܝܼܗܘܵܐ ܡܣܝܼܡܵܢܵܐ ܩܵܐ COVID-19 ܘܦܪܝܼܫܠܹܗ ܕܡܲܛܥܸܢܠܗܘܿܢ ܒܘܼܝܵܢܹ̈ܐ ܥܲܠ ܬܘܼܩܵܢܹܗ، ܐܲܝܢܝܼ ܕܒܲܠܟܵܐ ܚܵܒܼܫܝܼ ܦܘܼܨܵܠܹ̈ܐ ܕܗܲܡܙܲܡܬܵܐ ܥܲܡܵܘܟܼܘܿܢ

ܫܵܘܦܵܐ ܕ COVIDSafe.gov.au ܒܸܕ ܦܵܐܹܫ ܡܚܘܼܕܸܬܵܐ ܩܵܐ ܡܲܩܪܲܒܼܬܵܐ ܕܢܲܨܝܼܗܲܬ ܐܝܼܡܲܢ ܕܟܠܲܝܗܝ ܒܘܼܝܵܢܹ̈ܐ ܕ COVID app ܦܵܝܫܝܼ ܫܝܼܦܹܐ ܡܼܢ National COVIDSafe Data Store.

ܡܘܿܕܝܼ ܓܵܪܹܓ ܐܵܢܵܐ ܥܵܒܼܕܸܢ؟

ܡܲܟܠܹܝܡܘܼܢ ܠܵܗܿ ܡܲܨܠܵܝܬܵܐ ܕܬܘܼܠܚܵܡܵܐ ܕ COVIDSafe app ܡܼܢ ܬܘܼܩܵܢܵܘܟܼܘܿܢ ܐܲܝܟܼ ܟܡܵܐ ܕܗܵܘܝܵܐ ܒܓ̰ܲܠܕܘܼܬܵܐ. ܐܵܗܵܐ ܒܸܕ ܫܵܝܹܦ ܝܵܬܵܐܝܼܬ ܠܟܠܲܝܗܝ ܡܵܘܕܥܵܢܘܵܬܹ̈ܐ ܚܘܼܡܝܹ̈ܐ ܥܲܠ ܬܘܼܩܵܢܵܘܟܼܘܿܢ.

ܩܵܐ ܦܵܣܘܿܥܝܵܬܹ̈ܐ ܒܘܼܕ ܕܵܐܟܼܝܼ ܠܫܝܵܦܬܵܐ ܕܬܘܼܠܚܵܡܵܐ ܕ COVIDSafe app، ܐܸܢ ܒܵܣܡܵܐ ܠܵܘܟܼܘܿܢ ܣܲܚܒܸܪܘܼܢ ܠܦܵܬܵܐ ܪܘܼܫܡܵܝܬܵܐ ܕ COVIDSafe homepage .

ܐܝܼܡܲܢ ܕܫܵܝܦܝܼܬܘܿܢ ܠܬܘܼܠܚܵܡܵܐ ܕ COVIDSafe app، ܐ݉ܚܹܪ݉ܢܵܐ ܠܹܐ ܝܬܘܿܢ ܣܢܝܼܩܹ̈ܐ ܕܥܵܒܼܕܝܼܬܘܿܢ ܗܸܟ̰ ܡܸܢܕܝܼ ܐ݉ܚܹܪ݉ܢܵܐ. ܒܘܼܝܵܢܹ̈ܐ ܕܬܘܼܠܚܵܡܵܐ ܕ COVIDSafe app ܚܘܼܡܝܹ̈ܐ ܓܵܘ National COVIDSafe Data Store ܒܸܕ ܦܵܝܫܝܼ ܫܝܼܦܹܐ ܒܝܲܕ ܡܦܲܪܢܣܵܢܘܼܬܵܐ (the Department).

ܐܸܢ ܣܵܢܩܝܼܬܘܿܢ ܠܟܠ ܚܕܵܐ ܣܢܵܕܬܵܐ ܐ݉ܚܹܪ݉ܬܵܐ ܕܗܵܘܝܵܐ، ܐܸܢ ܒܵܣܡܵܐ ܠܵܘܟܼܘܿܢ ܣܲܚܒܸܪܘܼܢ ܠܫܵܘܦܵܐ support@covidsafe.gov.au

ܡܲܚܒܸܪܘܼܢ ܠܲܢ

ܒܘܼܩܵܪܹ̈ܐ ܘܩܒܼܵܠܝܵܬܹ̈ܐ ܕܕܝܼܠܵܢܵܝܘܼܬܵܐ ܕ COVIDSafe

ܡܲܚܒܸܪܘܼܢ ܠܲܢ ܩܵܐ ܕܝܵܕܥܝܼܬܘܿܢ ܒܘܼܫ ܙܵܘܕܵܐ ܒܘܼܕ ܕܝܼܠܵܢܵܝܘܼܬܵܐ ܕ COVIDSafe ܝܲܢ ܠܥܒܼܵܕܵܐ ܚܲܕ ܒܘܼܩܵܪܵܐ ܝܲܢ ܚܕܵܐ ܩܒܼܵܠܬܵܐ.

ܦܵܠܵܚܵܐ ܡܸܫܬܲܐܠܵܢܵܐ: privacy@health.gov.au
ܬܹܠܹܦܘܿܢ: 1555 6289 02
ܡܲܚܒܲܪܬܵܐ ܡܲܓܵܢܵܝܬܵܐ: 103 020 1800

ܐܵܕܪܹܣ ܕܒܲܪܝܼܕܵܐ:

Department of Health
MDP 62
GPO Box 9848
Canberra ACT 2601

ܦܵܠܵܚܵܐ ܡܸܫܬܲܐܠܵܢܵܐ ܕܕܝܼܠܵܢܵܝܘܼܬܵܐ ܒܸܕ ܓܲܫܸܩ ܥܲܠ ܟܠܚܲܕ ܡܼܢ ܩܒܼܵܠܝܵܬܹ̈ܐ ܦܲܪܨܘܿܦܵܝܹ̈ܐ ܕܗܵܘܝܼ ܒܘܼܕ ܕܝܼܠܵܢܵܝܘܼܬܵܐ ܐܲܝܟܼ ܫܲܪܛܹ̈ܐ ܕܩܵܢܘܿܢܵܐ ܕܕܝܼܠܵܢܵܝܘܼܬܵܐ 1988 (Privacy Act 1988) ، ܐܲܝܢܝܼ ܕܟܹܐ ܚܵܒܼܹܫ ܚܲܕ ܡܲܛܠܵܒܵܐ ܕܫܵܢܹܐ ܠܗܘܿܢ ܫܡܵܛܝܵܬܹ̈ܐ ܕܩܵܢܘܿܢܵܐ ܕܕܝܼܠܵܢܵܝܘܼܬܵܐ ܠܡܲܟܼܬܒܼܵܐ ܕܦܵܩܘܿܕܵܐ ܐܘܿܣܬܪܵܠܝܵܝܵܐ ܕܡܵܘܕܥܵܢܘܼܬܵܐ ܩܵܐ ܨܲܚܨܵܝܬܵܐ ܘܡܫܲܪܲܪܬܵܐ (Australian Information Commissioner for investigation).

ܝܲܢ، ܡܵܨܝܼܬܘܿܢ:

Last updated:
08 August 2022