Ngandamnak lei Vuanci nih COVIDSafe data caan a donghnak bia a khiah cang. COVIDSafe app cu mizaw he naihniam in tonnak a ngeimi zulhdawinak caah hman a si ti lai lo. Zaangfahnak in na sehthilri (device) in COVIDSafe app kha hloh cang (uninstall).

COVIDSafe Application caah Pumpak kong he aa pehtlaimi pawlasi


Mirangholh si loin holh dang pawl in pumpak kong he aa pehtlaimi pawlasi kha rel.
Hlanlio deuh i pumpaak kong he aa pehtlaimi pawlasi kha rel.

COVIDSafe data caan adonghnak timi cu zeidah a sullam a si?

Ngandamnak lei Vuanci nih COVIDSafe data caan a donghnak bia a khiah cang bantukin COVIDSafe app cu COVID-19 karhank runven asilole thing dingah a herh ti lo. Hihi a sullam cu, Department of Health and Aged Care (the Phuthen) hi, Data Khonnak lei Tawlreltu a si bantukin, COVIDSafe app data khawmhsuat asilole dawnglawt (download) awk ah a ngahmi COVIDSafe app a tuah ti lai lo tinak a si. Data Khonnak lei Tawlreltu nih National COVIDSafe Data Store ah thawngthanh chapmi zeihmanh khumhnak (upload) a tuah ti lai lo.

Phuthen (Department) cu Pumpak kong he aa pehtlaimi Upadi 1988 (Upadi) Privacy Act 1988 (the Act) i thennak 94P tangah pumpak kong he aa pehtlaihmi tuah dingmi dihlak tlinhter dingah tuanvo a ngei.

Phuthen (Department) cu atu lio ah National COVIDSafe Data Store in COVIDSafe app data vialte phiat dingah rian a tuan cuahmah. Hi ah hin minkhumhnak kong, code thuhmi hmangtu IDs, sehthilri zohfelnak kong le National COVIDSafe Data Store ah chiahmi data pehtlaihnak vialte aa tel. COVIDSafe app data cu chiah a si ti lai lo.

COVIDSafe app cu dawnglawt (download) a ngah ti lai lo i na sehthilri in COVIDSafe app na phiat a hau . Na sehthli in COVIDSafe app kong vialte kha hi nih hin a phiat dih lai.

Bawmh chap na herh asilole COVIDSafe app phiatnak dingah lamhmuhsaknak na herh ahcun, hika ah pehtlaihnak tuah support@covidsafe.gov.au.

Upadi tangah, COVIDSafe a bawmmi upadi kha Ngandamnak lei Vuanci nih COVIDSafe caan a donghnak, hngalh khawhmi thilri hmangin chimphuannak a tuah hnu ni 90 chungah hrawh dih a si lai. COVIDSafe.gov.au cu hihi a herhmi he aa tlak ningin hrawh a si lai.

Keimah kong he zeitindah a can lai?

Phuthen (Department) cu atu lio ah National COVIDSafe Data Store in COVIDSafe app data vialte phiat dingah rian a tuan cuahmah. Na data phiat piak dingin na hal a hau lo.

COVIDSafe app data vialte cu a rauh hlan ah phiat dih a si cang lai, data phiatnak caah pumpak in halnak cu tuah khawh a si ti lai lo. Na data phiat dingin halnak na ap cang ahcun, COVIDSafe app data vialte phiatnak he tuahchih dih a si lai.

Phuthen (Department) cu Upadi tangah COVIDSafe data caan a dongh hnu a tak in tuah khawh a si lecangka National COVIDSafe Data Store in COVIDSafe app data dihlak phiat dingah tuanvo a ngei.

Hi ah aa telmi dihlak cu:

  • minkhumhnak data
  • na sehthilri (device) i COVIDSafe khumhnak (install) rak tuah lio ah sehthilri zohfelnak kong
  • na sehthilri ah COVIDSafe na on tikah asilole rian na tuanter tikah na code thuhmi ID hmangtu kong thawngthanhmi
  • nangmah pehtlaihnak data na khumh (upload) khawhnak dingah ngandamnak lei riantuantu nih SMS an kuatmi hnatlaknak na rak ngeihmi
  • na sehthilri ah nangmah pehtlaihnak data
  • adang COVIDSafe ahmangtu i pehtlaihnak data, mah ahmangtu kha COVID-19 zawtnak a rak ngei i an sehthilri ah anmah pehtlaihnak data khumh dingin rak thim a si, cu ahcun nangmah he an ipehtlaihnak kong dikthlir aa tel kho men.

National COVIDSafe Data Store in COVID app data vialte phiat a si tikah COVIDSafe.gov.au kha tharchuah ding a si kha ruahnak cheuh a si te lai.

Zeidah tuah ka herh?

Na sehthilri in a ran khawh chung rangin COVIDSafe app kha hloh (uninstall). Hi nih hin na sehthilri ah khonmi thawngpaang vialte kha amah tein a phiat dih lai.

COVIDSafe app phiat ning ah tuah dingmi a dotdot pawl caah, zaangfahnak in COVIDSafe homepage kha ichirchan.

COVIDSafe app na phiat cang tikah, tuah chap na hau ti lo. National COVIDSafe Data Store ah chiahmi COVIDSafe app data kha Phuthen nih a phiat dih lai.

Bawmh chap na herh ahcun, zaangfahnak in pehtlaihnak tuah support@covidsafe.gov.au

Pehtlaihnak kan tuah

COVIDSafe Pumpak kong dothlatnak pawl le phunzaihnak pawl

COVIDSafe Pumpak kong tamdeuh hmuhnak ding asilole pumpak kong dothlatnak asilole phunzainak tuah dingah pehtlaihnak kan tuah.

Pumpak kong he aa pehtlaimi Tawlreltu bawi: privacy@health.gov.au
Fon: 02 6289 1555
Manlo in chawnhnak: 1800 020 103

Cakuatnak leihsa:

Department of Health
MDP 62
GPO Box 9848
Canberra ACT 2601

Pumpak kong he aa pehtlaimi Tawlreltu bawi nih Pumpak kong he aa pehtlaimi Upadi 1988 (Privacy Act 1988) i a herhmi pawl he aa tlak ningin pumpak kong he aa pehtlaihmi kong pumpak nih phunzainak pakhat khat kha a tonghtham lai, cu ahcun dothlatnak caah Australian Thawngthanhnak Komisin Zung sin ah pumpak kong he aa pehtlaimi upadi buarnak chirchanh dingah a herhmi aa tel.

Phundang in, na tuah khawhmi cu:

Last updated:
08 August 2022