COVIDSafe data (zaati boyan ókkol ar maalumat) or miyad hótom gorár fáisela goijjé Sehét Ministeri ye. Tallukat oré dórar estemal ot COVIDSafe app sárme notákibo. COVIDSafe app óre tuñár mobáil óttu meérbáni gorí búzaifélo.

COVIDSafe App ólla Húsúsiyoti Polosi


English baade oinno zuban ókkol ót húsúsiyoti polosi foró.
Foró húsúsiyoti polosi agorgán

COVIDSafe datar miyad hótom gorá maáni ki?

Sehéti Ministeri ye fáisela goijjé COVIDSafe datar miyad or hótom gorá zehón COVIDSafe app óre ar noláger COVID-19 or fóilani ré ruká ar kabu goríbólla. Hían maáni, Department of Health and Aged Care (Dipármén), Data Zomarakár Zimmadar hísafe, COVIDSafe app sárme honó data ré zoma nogorá foribó yáto lamaibólla COVIDSafe app óre házer rakí nofaríbo. Data Zomarakár Zimmadar e ejazot dinofaríbo sárme honó maalumat National COVIDSafe Data Store ot tulí diya ré.

Húsúsiyoti Ain 1988 (Ain) (Privacy Act 1988 (the Act))or híssa 94P or tole, húsúsiyoti zimmadani ókkol óre beggín fura gorázarde hían óre yekini banar zimmadar Dipármen.

Dipármen é ehón ham gorér National COVIDSafe Data Store óttu COVIDSafe app data beggín búzai dibollá. Eçé cámel asé doftór gorár maalumat, estemal goróiyar luwaiya foriso ókkol, mobáil micín óre foriso goróoni maalumat ar talluki data ziín National COVIDSafe Data Store ot raká giyyé. Honó COVIDSafe app data ré héfazot gorá nozaibó.

COVIDSafe app lamaibólla ar notákibo ar tuñúi COVIDSafe app óre tuñár mubáil óttu búzai féloonsa. Yaán é tuñár mubáil óttu COVIDSafe app maalumat beggín búzai félaibo.

Zodi COVIDSafe app búzoon ot tuñáttu sárme honó modot yáto raábari lage, support@covidsafe.gov.au ot talluk goró.

Ain gán or tole, COVIDSafe or miyad or hótom gorá ré Sehét Ministeri ye, zanaidiyar kabel zoriya loi, elan gorí 90 din baade COVIDSafe óre bolderdde kaanun oré batil gorá zaibo. COVIDSafe.gov.au óre osalu gorí diyazaibo zorurot yaán motafeke.

Añár maalumat or sáñte ki óibo?

Dipármen é ehón ham gorér National COVIDSafe Data Store óttu COVIDSafe app data beggín búzai dibollá. Tuñár data ré buzái dibollá tuñáttu aroz gorá noforibó.

COVIDSafe app data beggín ankoríb búzai diyazaibo, data búzai diyar ekeláiya aroz ókkol ar gorá nozaibó yáto karuai gorá gorá nozaibó. Tuñár data búzai dibollá zodi tuñúi aróz gorí félaiyóde óile, hían karuai gorá gorázaibo COVIDSafe app data beggín búzai diyar zoriya.

Ain gán or tole, Dipármen óttu zimmá asé National COVIDSafe Data Store óttu COVIDSafe app data beggín búzai diyar, COVIDSafe app datar miyad hótom gorár baade hían gorár kabel óibar sáñte sáñte.

Eçé cáamel asé iín beggín:

  • doftór gorár data
  • mubáil foriso goróoni maalumat zehón COVIDSafe óre tuñár mubáil ot dhála giyyé
  • estemal goróiyar luwain forisor babote maalumat zehón tuñúi nizor mubáil ot COVIDSafe kúillo yáto salaiyó
  • tuñár talluki data tuñáre tulí dito dibollá sehéti zimmadar e tuñár hañsé ekkán SMS diya zián loi tuñúi razi óoila
  • tuñár mubáil ot tuñár talluki data
  • oinno COVIDSafe estemal goróiyar talluki data, zeçé estemal goróiya gúa COVID-19 loi pozítiv óiye ar hítarar talluki data ré hítarar mubáil óttu tulídiya ré ekteyar goijjé, zeçé tuñár sáñte hítarar talluk or tofsil ókkol tákitfare.

National COVIDSafe Data Store óttu COVID app beggín óre hoñótte buzá diya giyyéde hían zanai dibollá COVIDSafe.gov.au ré taza gorá zaibo.

Añáttu ki gorá foribó?

COVIDSafe app óre tuñár mubáil óttu zeddúr hára faro búzaifélo. Tuñár mubáil ot zoma raikká maalumat beggín hían é oneggáne búzai félaibo.

COVIDSafe app óre keén gorí búzaibodé hían or wore kodom ókkol ór babote, meérbáni gorí zaisó COVIDSafe homepage.

Zehón tuñúi COVIDSafe app búzai félaiba, tuñáttu sárme honó karuai gorá noforibó. National COVIDSafe Data Store ot raikká COVIDSafe app data ré Dipármen é búzai félaibo.

Zodi tuñáttu aró modot lage, meérbáni gorí support@covidsafe.gov.au óre talluk goró.

Añáráre Talluk Goró

COVIDSafe or Húsúsiyot or doriyaf ókkol ar cékayot ókkol

COVIDSafe or Húsúsiyot or babote beec talac goríbólla yáto ekkán doriyaf yáto cákayot goríbólla añáráre talluk goró.

Húsúsiyoti Ofísar: privacy@health.gov.au
Phún: 02 6289 1555
Maana koól: 1800 020 103

Dhak thíkana:

Department of Health
MDP 62
GPO Box 9848
Canberra ACT 2601

Húsúsiyoti Ain 1988 (Privacy Act 1988) or hókum ókkol motafek húsúsiyot mutallek honó ekélaiya cékayot óre Húsúsiyoti Ofísar gúa ye dóribo, zeçé cáamel asédeki húsúsiyoti mukhálefi ókkol óre tahákik ólla Australilar Maalumati Komicinar or Ofís ot háwala gorá zoruri.

Hían or bodoilla, tuñúi:

Last updated:
08 August 2022